|
|
| آسيای مرکزی/ |
نگرانی تاجیکستان از وضعیت افغانستان در سال 2014
/24.8.2013
وزارت امور خارجه تاجیکستان اعلام کرده که با خروج نیروهای نظامی خارجی از افغانستان، مشکلات افغانستان در سال 2014 همچنان باقی خواهند ماند، و این برای منطقه نگران کننده است.
مقامات تاجیکستان می گویند: خروج نیروهای نظامی خارجی از افغانستان در سال 2014 باعث تشدید فعالیت های گروه های تروریستی در منطقه خواهند شد.
در عین حال در بیانیه ای که از سوی وزارت خارجه تاجیکستان به نشر رسیده، این کشور از آمادگی همکاری همه جانبه با افغانستان خبر داده است.
مبارزه با قاچاق مواد مخدر، شرکت در بازسازی سیستم حمل و نقل، تامین مصالح ساختمان، و همچنین آموزش، از جمله مواردی است که تاجیکستان اعلام کرده می تواند با افغانستان همکاری داشته باشد.
همچنین در این بیانیه، توسعه اجتماعی و اقتصادی افغانستان مهم تلقی شده است.
به باور وزارت خارجه تاجیکستان، افغانستان برای رسیدن به صلح باید به توسعه اقتصادی و زمینه ایجاد شغل برای شهروندان خود توجه کند.
در این بیانیه نقش کشورهای همسایه در چگونگی وضعیت افغانستان نیز به بررسی گرفته شده و آمده است: نقش کشورهای همسایه و مشارکت آن ها در بازسازی افغانستان، کلید موفقیت تلاش های انجام شده توسط جامعه بین الملل است.
حضور نظامی روسیه در تاجیکستان
در عین حال محمد عطا سخنگوی پارلمان تاجیکستان از احتمال ادامه حضور نظامی روس ها در تاجیکستان خبر داد.
وی گفته است ادامه حضور نظامی روسیه در تاجیکستان، در قبال مهیا ساختن زمینه کار برای تاجیک ها در روسیه انجام خواهد گرفت.
به زودی دوسیه ادامه حضور نظامی روس ها در تاجیکستان به پارلمان تاجیکستان ارسال خواهد شد.
طبق گفته های مقامات تاجیکستان، حذف مالیات مواد سوختی وارداتی از روسیه به تاجیکستان نیز از جمله شرایط ادامه حضور نظامی روسیه در تاجیکستان است.
مقامات کشور روسیه هنوز واکنشی در قبال شرط حذف مالیات مواد سوختی چیزی نگفته اند. اما در قبال پذیرش اتباع تاجیکستان و زمینه فراهم آوری کار، روسیه تا به حال چشم پوشی نکرده است.
طبق آماررسمی، سالانه بیش از یک میلیون نفر از تاجیکستان وارد روسیه می شوند که درآمد سالانه آن ها بیش از 55 درصد تولید ناخالص ملی تاجیکستان است. اما کارشناسان روسیه میگویند که تعدا اتباع تاجیکستان که در روسیه مصروف کار اند زیاد تراست.
در سال جاری برخی مقامات روس خواستار جلوگیری از حضور مهاجران تاجیک به این کشور شده اند.
توجه مقامات روسیه به اتباع تاجیکستان باعث شد که رئیس جمهوری تاجیکستان در سفر اخیرش به روسیه وعده دهد که موافقتنامه استقرار پایگاه نظامی روسیه پس از بازگشت نمایندگان از تعطیلات تابستانی بررسی و تصویب شود.
بر اساس این توافقنامه، پایگاه نظامی روسیه تا سال 2042 میلادی در تاجیکستان باقی خواهد ماند.
|
| فارسی.رو |
ارسال اين صفحه به دوستتان
برای چاپ
|
|
|
|
