صلاح الدین ربانی وزیر امور خارجه افغانستان اواسط هفته آینده به دوشنبه پایتخت تاجیکستان سفر خواهد کرد.
بنابر اطلاع دفتر مطبوعاتی وزارت امور خارجه تاجیکستان، قرار است سفر رسمی وزیر امور خارجه افغانستان به دوشنبه در تاریخ 15 الی 18 فبروری سال جاری انجام شود.
سفر ربانی به دوشنبه در حالی است که عبدالقیوم کوچی سفیر افغانستان در روسیه در اواخر ماه دسامبر سال گذشته گفته بود پشت انتقال مواد مخدر افغانستان، روسیه و مافیای تاجیکستان قرار دارد.
وزارت امور خارجه تاجیکستان در بیانیهای در واکنش به سخنان سفیر افغانستان در روسیه تأکید کرد: اظهارات بیپایه و بدون منطق برخی نمایندگان افغانستان که از عدم اطلاع درست در مورد این کشور خبر میدهد، باعث تأسف بوده و به مناسبات 2 کشور لطمه جدی وارد میکند.
مقامات وزارت خارجه افغانستان ابراز امیدواری کردند که در سفر ربانی به تاجیکستان سوء تفاهم هایی که بین دو کشور پیش آمده از بین برود.