امام علی رحمان رئیس جمهور تاجیکستان امروز با نیکلای برودیوژ دبیر کل سازمان پیمان امنیت جمعی دیدار و درباره افغانستان گفتگو کرد.
این دو مقام بحران های کشوری و منطقه را به بحث و بررسی گرفتند و مرز افغانستان و تاجیکستان را نیز از نگاه امنیتی ارزیابی کردند.
تاجیکستان و سازمان پیمان امنیت جمعی از وخامت اوضاع در مرزها ابراز نگرانی کردند.
به باور آنان بررسی ها نشان می دهد که اوضاع امنیتی در مرز تاجیکستان و افغانستان خوشایند نیست و باید برای مقابله با آن با جدیت برخورد کرد.
در عین حال امام علی رحمان و سازمان پیمان امنیت جمعی با هدف گسترش تروریسم و افراط گرایی تاکید بر کار مشترک کردند.
نیکلای برودیوژ گفته است که چگونگی ارائه کمک های عملیاتی به تاجیکستان را با هدف تقویت مرزها در دستور کار خود قرار داده است.
با وخامت اوضاع امنیتی در افغانستان، تاجیکستان به شدت نگران نفوذ تروریستان و افراط گرایان از مرزها است. روسیه تا به حال چندین بار کمک های نظامی به تاجیکستان کرده تا در مقابله با تروریستان استفاده کند.
وزارت دفاع کشور روسیه اعلام کرده برای تقویت مرزهای تاجیکستان از دوشنبه حمایت می کند.
